Wednesday, June 18, 2014

 ഓര്‍മ്മപ്പെടുത്തല്‍



നല്ല ചൂട് .. വിയർത്തൊഴുകിയത് ഒരു മിനിറ്റ് കൊണ്ടാ.. ലിഫ്ടിലേക്ക്  കയറുമ്പോ വിയർപ്പ് ഒപ്പിക്കളയാൻ നോക്കി.. പക്ഷെ അതിനു മുമ്പേ മറ്റൊരു ചിന്ത കയറി.. അവനു വിയർക്കുന്നുണ്ടാവുമൊ .. പിന്നെ ലിഫ്റ്റ്‌ പതുക്കെ പോവുന്നെന്നു തോന്നി.. ഫ്ലാറ്റിൽ എത്തിയതെ അവളുടെ വയറിൽ ചെവി വെച്ച് അവനോട് ചോദിച്ചു..

"നിനക്ക് വിയർക്കുന്നുണ്ടൊ?..

ഒരു ചവിട്ട് ...അത് തൊലിപ്പുറത്ത് ഒരു അലയായ്‌ എന്റെ കവിളിൽ കൊണ്ടു..
ഇല്ലാത്ത വേദനയിലും കവിള പൊത്തി ഞാൻ അയ്യോ!!ന്നു കരഞ്ഞു..

അവളും ചിരിച്ചു .. വെറും ചിരിയല്ല..കുലുങ്ങി കുലുങ്ങി... ഇടയിൽ നിർത്തി.. പിന്നെയും തുടർന്ന് ..

ഇതൊരു കാത്തിരിപ്പാ...
അവൻ അല്ലെങ്കിൽ അവൾ എന്നതൊന്നും പ്രശ്നമല്ല.. ഒന്ന് കാണ്ടാൽ മതി എന്നൊരു ആകാംക്ഷ.. ഓരോ അനക്കത്തിലും ഒരു ജീവന്റെ തുടിപ്പ്.. അത് ഞങ്ങൾ ഇരുവരും ചേർന്നതല്ലേ എന്നറിയുമ്പോൾ, അറിയാതെ ഞാൻ അവളിലേക്കൊ അവൾ എന്നിലേക്കോ എത്തുന്നു..

എന്തൊക്കെകാത്തു വെക്കണം..
എന്തൊക്കെ കരുതണം.. അതിനെക്കാളേറെ എങ്ങീനെ ആവും എന്നൊരു ചിന്ത..
ചിലപ്പോ ചലനമറ്റു പേടിപ്പിക്കുംപോലെ, ഹൃദയം നിന്ന് പോവും പോലെ..
ഉറക്കത്തിലും പാതിയുണർവ്വിൽ ഒരു കുഞ്ഞു ചിന്ത ഞാൻ ഇവിടെ ഉണ്ടെന്ന്  ഓര്‍മ്മപ്പെടുത്തല്‍

No comments:

Post a Comment

എല്ലാവരുടെയും വിമര്‍ശനങ്ങളും,പ്രോത്സാഹനങ്ങളുമാണ് ഈയുള്ളവന്റെ ഊര്‍ജം!